REVIEWS

琴日全靠你哋嘅聲音導航先可以令我哋做到咁多唔同嘅表情動作，捕捉到我哋自然嘅一面✨，亦都好多謝你哋喺斟茶時段好有耐性幫我哋guide啲親友，盡量控制當日嘅時間做得好好！☺️睇到琴日嘅早拍午播令我哋好感動，估唔到咁短時間可以造到咁出色嘅影片，個個朋友睇完都讚段片好勁好有feel🤩感受到你哋crew嘅合拍性，多謝你哋嘅付出，好幸運我哋嘅婚禮揀到你哋🫶🏻祝你哋生意長做長有！一定會介紹俾身邊嘅朋友❣️

多謝哂wax同你哋成條Team喇!! Wax 你影相既idea好好，同好新穎有趣😆😆啲相好靚好傳神，我地一路睇都諗返起當日，一路笑🤣🤣D相好有温度呀😍😍超中意 完全捕捉到當日所有人既開心同埋感動既一面 好中意你地d style 好滿意呀 多謝你地 🥰

Hi Wax，想再次多謝你幫我地影PW & BD呀！BD d snap好靚！我呢幾日係度整理d相比親友，睇到你真係用好多角度捕捉到唔同畫面，就咁睇內容、主角同構圖冇重覆既相都有幾百張，你對人既觀察真係好勁🙌🏼 同埋我地兄弟姊妹團都讚你地當日好nice好好玩，全日都笑容滿面😆 好多謝你幫我地影同多靚相呀！祝你繼續生意興隆呀🔥🔥🔥

Wax攝影團隊～都係超感謝！之前知道Wax團隊係出席朋友婚宴，當時睇到佢地嘅早拍晚播已經好驚艷，唔係平時睇到嘅剪輯手法，好似睇緊movie咁，當時就已經決定要請Wax團隊幫我手！由準備到後期製作都超級用心！完全超出我預期，早拍晚播比我想像中更美，很喜歡💕團隊每個都專業到不行，每個都係藝術家、專業指導😎同埋真係諗都冇諗過婚禮當晚就有相同片回比我地回味，貼心到不得了，感動🥹

Wax🥳我係彤彤 Gina 🤭好多謝你做我big day 嘅攝影師🤣山長水遠入黎沙頭角 辛苦晒你哋🥰big day 個日真係好開心 影相嘅時候你好似我地朋友咁講有講有笑 你同兄弟姊妹嘅互動都令我好好笑  令我哋一啲都冇尷尬 反而更加自在 enjoy 影相嘅一刻 ，平時我同我老公都好少影相 但係都影得好靚好自然 Thank you so much ☺️ 期待你的作品❤️祝你生意興隆🤩🥳

Wax, 終於有時間坐定定打番段說話比你☺️ 
因為唔想求其打 所以拖左甘耐🤣

當初我同老公揀選左40幾間photog出黎 續間評分🤣 好多人都覺得我地好痴線 
但係我覺得攝影師喺BD當日擔當太重要既角色 我必須要慎重選擇🫡

仲記得confirm前我地約左個Zoom meeting話見個面, 但係我地又唔記得左時間啦 你好認真準備好唒綠幕P走個背景 我哋就連cam都冇開 但係你都仲好好笑容喺度同我地傾計🤣

最終選擇左你 完左BD之後 
真係想講不枉我地用左甘多時間精力去挑選到你 而家諗起當日仍然係滿滿感激 

我地全日既rundown能夠甘順利 真係好多謝你同團隊既幫忙 就算朝早有少少over run 
但你地喺外影都幫我地追番哂啲時間 影相同拍片都快狠準！之前問過你早拍晚播點揀歌 你答會根據我地個vibe，最後出黎既成品都好靚、好岩我地。每次睇都好開心 但又不失感動。正正就係我想喺婚禮帶出既感覺。

當晚已經收到你比既精華相 真係每張都好靚。笑既影得靚 喊既影得仲靚，多謝你幫我記錄低每1個珍貴既時刻。
仲有影大合照既攝影師，每影1張都提大家托眼鏡、移左移右。到最後一刻其他大家都好攰，但你地都仲係好好笑容。
真係好多謝你地，好開心可以遇到你，令我既婚禮好完滿。

祝願你地會愈黎愈多人認識
期待收到你既靚相☺️💕

多謝Wax同你嘅團隊幫忙記錄低我同Calvin婚禮當日每一個珍貴時刻，榮幸有你地參與見證我同Calvin嘅大日子🫶🏻

多謝你每次都好細心耐心地解答我哋嘅問題，會滿足我哋嘅要求係攝影時間上為我哋安排到最好🥰雖然當日時間緊湊，未必每樣野都做到，但係你帶領下每一part都順利圓滿完成🥹

多謝你當日係有限時間內幫我哋影左好多靚相，又會教我哋點樣擺pose，果然出到嚟嘅效果好靚😍

最令我哋surprise嘅係你早拍午播嘅片，要係咁短時間內剪接編輯一段咁豐富效果仲要咁靚咁高質嘅片一啲都唔容易，完全係超出我哋嘅預期，辛苦晒🤍賓客都大讚你哋係咁短時間內就做到，好勁呀👍🏻

你嘅作品好有色彩同好擅長捕捉人與人之間嘅情感流露，當日睇到啲相同片完全做到呢樣野，真係不得了令人讚不絕口，期待你嘅製成品❣️

最後祝你接job無停手，工作順利，身體健康💓

多謝你哋🙏🏼你哋真係好正！！又風趣幽默，令到氣氛好好，又好盡責幫我哋影靚相，嗰兩日天氣咁熱，但係你哋好似想影多過我哋，令我哋都唔好意思，辛苦你哋🥹之後仲搵到個墨寶naughty corner (by Jer)🙄，夜晚又專登去搵兩個靚位幫我哋影煙花，見到你哋好認真研究點影，嗰刻我喺度諗，今次搵你哋影相真係冇揀錯❤️最後個SDE簡直係好爆，未見過咁正！！多謝你哋為我哋留下一個咁好嘅回憶❤️

Hello Wax, we have received the photo album and canvas. They are both so delicately crafted. We can't help but smile whenever we look at them 🥰

We (including our pup) had a fun time during the photoshoot despite the rain. Your readiness to be open-minded and flexible is deeply appreciated 🤩 

Thank you very much for your tremendous efforts as well as creativity. Best wishes for the rest of the year 🥳